O pleno extraordinario celebrado esta mañá na casa consistorial de Ribeira serviu para aprobar os fondos, procedentes da Deputación da Coruña, que corresponden ao Plan provincial de cooperación ás obras e servizos de competencia municipal (POS). As parroquias de Palmeira, Deán Grande, Olveira e Aguiño serán as destinatarias de 450.000 euros, investimento que se centrará en mellorar a pavimentación e a rede de saneamento. Ademais, aprobouse no pleno extraordinario desta mañá o Plan de Aforro e Investimento (PAI), dotado con 52.714 euros. Este diñeiro destinarase na mellora da seguridade viaria na zona do colexio de Frións.
O alcalde Manuel Ruiz despediu emocionado ao edil de de xuventude de deportes Aroa Fernández.
Motivos de índole persoal, que lle dificultan compatibilizar a súa actividade diaria coa vida política, levaron á concelleira a dimitir. Será substituída polo seu compañeiro de filas Anxo Orellán, quen xa foi concelleiro durante o pasado mandato.
https://www.youtube.com/watch?v=AHw4GpBv2RE
