O Son do camiño medrará por riba dos 100.000 asistentes cun cartel de éxitos internacionais e máis música galega que nunca

O conselleiro de Cultura e Turismo, Román Rodríguez, xunto coas empresas organizadores de O Son do Camiño, presentou hoxe a terceira edición deste festival, a gran cita musical coa que a Xunta promove o Xacobeo 2021 e que, un ano máis, congregará a artistas de primeiro nivel no Monte do Gozo. Este evento, que se celebrará os días 18,19 e 20 de xuño, volverá situar Galicia como un referente do turismo de festivais da man dunha decena de bandas de renome internacional, que suman 12 premios Grammy, e dunha quincena de artistas e bandas da nosa Comunidade que converterán esta edición na máis galega da historia do evento.