A XUNTA pon en marcha a aposta máis forte pola innovación empresarial dende o comezo da crise

O conselleiro de Economía, Emprego e Industria, Francisco Conde, destacou hoxe a posta en marcha da terceira convocatoria do programa Conecta Peme como a aposta máis forte pola innovación empresarial levada a cabo pola Xunta desde o comezo da crise. Conde resaltou que esta nova edición da iniciativa de apoio á I+D+i nas pequenas e medianas empresas, que se activará nas vindeiras semanas, busca a participación de consorcios nos que, ademais de centros tecnolóxicos e universidades, participen preto de 200 empresas.
Esta edición, a que conta con máis recursos públicos en apoio á innovación empresarial dos últimos sete anos, suma 25 millóns de euros de apoios para xerar 40 millóns en investimentos, que permitirán poñer en marcha máis de 50 proxectos de innovación.