A Sociedade Histórica e Cultural «Coluna Sanfins» e os Foros Ecolóxicos da Barbanza organizan o sábado 5 de setembro pola tarde un novo Obradoiro sobre usos e cultivo do cáñamo industrial (Cannabis ruderalis) que se impartirá no local social de Tállara e nas leiras cultivadas con cáñamo en ecolóxico na parroquia de Tállara, Lousame.
Impartirá o obradoiro Ramón Servia, de Cernande, enxeñeiro técnico agrícola con experiencia no cultivo de cáñamo e membro da Sociedade «Coluna Sanfins». Durante o obradoiro visitaremos as leiras botadas a cáñamo, veremos como se fai a colleita e outras fases do cultivo e discutiremos os distintos usos para elaborar papel, cordas, alimentos, materiais de isolamento para construción, óleos e resinas, entre outros.
Combinaranse ás 5 na tarde no estacionamento da igrexa parroquial de Tállara finalizando o obradoiro por volta das 19:30. Para se inscribir, débese enviar email confirmando a: colunasanfins@gmail.com.
O custo será de 5 euros.
