O Boletín Oficial da Provincia anuncia hoxe a apertura do proceso de contratación mediante procedemento aberto das obras para a mellora da seguridade viaria e renovación de servizos na rúa Francisco Lorenzo Mariño, vía principal de entrada ao núcleo de Aguiño.
O prazo para presentar ofertas é de 26 días naturais e hai un único criterio de valoración. As entidades interesadas deben remitir as súas propostas ao Rexistro Xeral da Deputación Provincial.
Incluída no Plan de Travesías da Deputación, a obra ten un orzamento de 464.877,76 euros e un prazo de execución de 10 meses. O financiamento da obra é provincial a partir dun proxecto técnico elaborado polo Concello.
