Os veciños do Morrazo terán a finais de xuño á súa disposición a totalidade da autovía libre de peaxe

A conselleira de Infraestruturas e Mobilidade, Ethel Vázquez, supervisou hoxe os traballos no terceiro tramo da autovía do Morrazo, cuxos avances permitirán que os veciños desfruten a finais de xuño da totalidade desta infraestrutura libre de peaxe, cun investimento de 55 millóns de euros.
https://www.youtube.com/watch?v=92V4PXtfwXo
Vázquez Mourelle indicou que as obras no terceiro treito, cun orzamento de máis de 18 millóns de euros, xa se atopan ao 93% de execución, polo que se a meteoroloxía o permite estarán rematadas en poucas semanas, completando así esta autovía de 11 km.