Feijóo afirma que a cuarta edición de FP Innova constata que a formación profesional é sinónimo de oportunidades, innovación e emprendemento

O presidente da Xunta, Alberto Núñez Feijóo, afirmou hoxe que a cuarta edición de FP Innova constata que a formación profesional é sinónimo de oportunidades, innovación e emprendemento.
https://www.youtube.com/watch?v=nVD_8bThRO4
“FP significa oportunidade, tanto para os máis novos que están no momento de decidir o seu futuro como para as persoas que queren reciclarse; significa emprendemento e significa, por suposto, innovación como proban os 36 proxectos que se presentan nesta feira e que abranguen as tecnoloxías máis punteiras do mercado”, dixo, subliñando que os visitantes desta feira tamén poderán experimentalo en primeira persoa, coa participación nalgún dos 28 obradoiros sobre eidos tan diversos que van desde a robótica aplicada, os vehículos non tripulados ou as técnicas culinarias.