Lousame acolle esta fin de semana o espectáculo A Feira das Linguas e a súa Xuntanza de Música Tradicional

A programación cultural no Concello de Lousame para esta fin de semana ten dúas citas destacadas: o espectáculo A Feira das Linguas de Lydia Botana o sábado e a Xuntanza de Música Tradicional o domingo.
https://www.youtube.com/watch?v=jr4UW_sFAs8
A Feira das Linguas ofrecerase a partir das 18:00 horas de mañá sábado na Casa da Cultura. Trátase dunha representación de teatro musical para nenos e nenas a partir de sete anos de idade, na que Lydia Botana conta a historia da lingua galega coas cancións e ritmos máis actuáis. Mediante versións en galego-portugués e con estilos como o trap e rap, e botando man de moito humor, o espectáculo serve para promover o galego entre a poboación máis nova.