O presidente da Xunta, Alberto Núñez Feijóo, destacou hoxe que a posta en marcha dunha folla de ruta con diversas actuacións e co Xacobeo 2021como meta redundará na dinamización económica dos concellos do Camiño e no benestar dos viaxeiros.
Durante o acto conmemorativo da declaración como Patrimonio Mundial da Unesco dos Camiños do Norte, Feijóo referiuse ás iniciativas que se levarán a cabo no eido do aloxamento, co obxectivo de incrementar a oferta de albergues, destacando a construción dun albergue no casco histórico da Fonsagrada; e no eido dos servizos, coa dotación de redes wifi para os albergueiros, así como a recuperación de fontes de auga e o reforzamento do plan de asistencia sanitaria.
No tocante á promoción, o responsable autonómico lembrou a declaración de 2016 como Ano do Camiño do Norte e Primitivo. E incidiu na importancia da coordinación, non só cos actores institucionais senón tamén coas asociacións.
https://www.youtube.com/watch?v=j7dwLf0FhB8
