A Xerencia de xestión integrada de Santiago amplía o servizo de diálise do hospital da Barbanza a partir do 24 de xaneiro

A unidade de Diálise do Hospital da Barbanza amplía o seu horario a partir do 24 de xaneiro. A Xerencia de Xestión Integrada de Santiago dotará as quendas de tarde dos martes, xoves e sábados. Deste xeito quedará cuberto o servizo todos os días, en todos as quendas.

Así, os pacientes que acudían a Santiago a recibir diálise, poderán facelo no hospital de Oleiros. A xerencia toma esta decisión en base ao incremento de pacientes que precisan ser dializados na área da Barbanza, e que se fai posible grazas a incorporación dun nefrólogo, do que non se dispoñía até este momento.