O terceiro certame de carteis da Feira Celta de Porto do Son xa ten gañador. Chámase Pedro Alonso Cascallana e é orixinal de Cambados.
Este deseñador gráfico de profesión que actualmente e como outros moitos se encontra no paro foi agasallado cun premio de 300 euros pola súa obra “Pedra e Musgo” que saliu elexida entre as seis que foron presentadas.
Aínda que foi a súa primeira participación neste certame xa conta cunha longa traxectoria de deseño de carteis e obras ilustrativas en toda Galicia.
Hai tres anos nacía o concurso de carteis de Porto do Son encamiñado a promocionar ós novos talentos ó tempo que se buscaba a imaxe máis representativa para ilustrar a feira celta.
O xurado, composto pola fotógrafa María Fariña, e o técnico do Museo do Mar, José Manuel Vázquez, distinguiu a obra ‘Pedra e Musgo’.
https://www.youtube.com/watch?v=ESiOOpBhKbM