Un evento agardado con impaciencia tanto polos comerciantes como polos clientes.
Nesta edición participan preto de 40 comercios que abrirán ata as 24 horas da noite e todos realizarán descontos durante todo o día.
Ademais dos descontos tamén se levarán a cabo actividades de animación e musicais nas rúas de Boiro.
Na praza do concello estará instalado un circuíto de karts e na rúa Pablo Iglesias unha táboa de surf mecánica as que soamente se pode acceder coas invitacións que entregarán as tendas participantes durante todo o día.
No tocante a actividades musicais contarán coa actuación do grupo itinerante Ponmeunkinto e os grupos de baile e música tradicional Xilbarbeira e Ballet Folclórico Boirense.
Os comercios participantes estarán sinalizados con carteis informativos, entregarán caramelos e bolsas reutilizables e como novidade tamén tikets de aparcamento gratuítos para que os clientes poidan estacionar no aparcamento situado nos baixos do concello.
https://www.youtube.com/watch?v=garCBDalDSk
