As xestións realizadas polo alcalde seguindo a vontade do sector chegaron a bo termo e o Ministerio de Agricultura, Alimentación e Medio Ambiente vén de autorizar para o porto de Ribeira os desembarques superiores a máis de 10.000 quilos de arenque, caballa e xurel, algo que ata o de agora estaba vedado.
Así, o ministerio competente nos asuntos vinculados coa pesca vén de dar luz verde a que se poda efectuar este volume de descargas no peirao riveirense, sumándose aos portos galegos da Coruña, Muros, Fisterra, Muxía e Vigo. Poderán realizarse os desembarques dende as 00 horas do luns ata as 24 horas do venres.
https://www.youtube.com/watch?v=hwnYib4tN6I
