A Xunta abre o proceso de consultas para definir a futura convocatoria para crear hubs de innovación dixital

O Diario Oficial de Galicia (DOG) vén de publicar o anuncio polo que se invita aos axentes do Sistema Galego de Innovación a que expresen o seu interese en acceder a unha liña de axudas para a posta en marcha de Hubs de Innovación Dixital.
https://www.youtube.com/watch?v=ygLX0y1NAz0
Trátase dun novo instrumento previsto no Plan Galicia Innova 2020, en coherencia coas orientacións da Comisión Europea no ámbito da dixitalización e especialización intelixente, que agrupan os distintos axentes do sistema de I+D+i baixo un modelo de colaboración público-privado aberto co obxectivo de aumentar a competitividade das empresas galegas a través das tecnoloxías dixitais e, por extensión, a competitividade da economía galega.