A Consellería do Mar, a través de Portos de Galicia, levará a cabo nas vindeiras semanas unha nova fase do plan de limpeza de dársenas na provincia da Coruña.
Así o confirmou o presidente do ente público, José Juan Durán, que destacou que a experiencia acumulada nos anos anteriores indica a necesidade de continuar con esta iniciativa que permite retirar dos fondos mariños residuos materiais que nunca deberon chegar ao mar. Ante esta necesidade, Portos de Galicia desenvolverá este ano actuacións nos portos de Pontedeume, Sada, Camariñas, Aguiño e O Freixo (Outes).