O conselleiro de Economía, Emprego e Industria, Francisco Conde, asinou hoxe coas empresas o protocolo de colaboración que converte a Galicia na primeira Comunidade en ofrecer axudas complementarias ao bono social eléctrico estatal

https://www.youtube.com/watch?v=qVWCKYMukxQ
O conselleiro de Economía, Emprego e Industria, Francisco Conde, destacou hoxe, durante a sinatura do protocolo de colaboración da Xunta e as empresas comercializadoras de enerxía eléctrica de referencia –Iberdrola, EDP, Endesa Energía XXI, CHC, Viesgo e Gas&Power-, que este acordo protexerá aos consumidores máis vulnerables garantindo o seu acceso continuado aos servizo. Este protocolo ten como obxectivo establecer as actuacións que desenvolverán para evitar os cortes de subministración.