A partir do vindeiro 18 de xuño, o núcleo de Aguiño vai contar cada luns cun mercadillo co que contribuír a dinamizar o comercio local desta parroquia.
O mercado emprazarase na rúa Castelao (nas inmediacións do parque infantil alí situado) e en principio contará cunha trintena de postos de diversos xéneros, se ben a raíz do alto interese suscitado por esta iniciativa, sobre todo nos últimos días, é posible que haxa máis ata rondar os corenta, segundo informa a concelleira de Mercados, Esther Patiño.
Os postos instalaranse a partir das oito da madrugada e o mercadillo estará aberto toda a mañá.