A Xunta acompaña aos maiores de Porto do Son no seu xantar

O conselleiro de Política Social, José Manuel Rey Varela, acudiu hoxe ao xantar dos maiores celebrado no municipio coruñés de Porto do Son, onde tivo a oportunidade de departir cos asistentes e escoitar as súas necesidades e demandas.

Durante a súa intervención, Rey Varela lembrou a importancia das persoas maiores na construción da sociedade moderna e do benestar de hoxe, engadindo que teñen un papel fundamental no pasado, presente e futuro da nosa comunidade.