Ana Peleteiro e Iván Parada, gañadores absolutos da XII Gala do deporte de Riveira

A Gala do Deporte de Riveira alcanzou a súa décimo terceira edición nun Auditorio no que se quixo distinguir aos mellores deportistas, clubs, entidades e colaboradores na tempada 2017.
https://www.youtube.com/watch?v=43S7paUnqgM
Nesta ocasión, os vencedores absolutos foron a triplista Ana Peleteiro Brión, 7ª no campionato do mundo e vencedora no campionato de España absoluto (o seu bronce deste ano no campionato do mundo en Birmingham computará para o ano que vén), e Iván Parada Novo, do Club Kempo Barbanza, que vestindo o uniforme da selección española foi campión do mundo IKF en katas con armas e subcampión en katas mans baldeiras entre outros méritos. Unha vez máis, Natural Sport Videlgi repitiu como mellor club cun balance de 191 medallas en campionatos autonómicos, 136 en campionatos nacionais e 16 en campionatos internacionais.
O acto comezou coa entrega do premio ao mellor equipo de competición ao equipo absoluto feminino do Club de Remo Náutico de Riveira. Como mellor técnico resultou Juan Luis Martínez Queiruga, adestrador do Natural Sport. O mellor deportista con discapacidade foi un ano más o campión mundial de parataekwondo Álex Vidal, do Natural Sport.
Como mellor deportista feminina sub 18 venceu Alba Martínez Parada, do club Natación Riveira; mentres que Jorge González Mariño, do mesmo equipo, fíxose co galardón en sub 18 masculino.