O Grupo Popular defenderá no pleno que a Xunta poida exercer a acción penal nos xuízos por delitos de discriminación das mulleres derivada da súa maternidade

O Grupo Popular demandará no Pleno desta semana que a Xunta poida defender os dereitos das mulleres e exercer a acción penal nos xuízos por delitos de discriminación derivada ou por razón de maternidade. Así mesmo, demandará que se fortaleza o Comité Internacional de Expertos do Camiño de Santiago, así como elaborar un programa de colaboracións cos centros de estudos xacobeos de cara á celebración do Xacobeo 2021.

O portavoz popular Pedro Puy fixo un repaso polas proposicións non de lei que o Grupo Popular defenderá na sesión plenaria desta semana. En concreto, explicou que un dos obxectivos destas iniciativas é que a Xunta “poida perseguir os delitos que as empresas poidan cometer contra unha muller por discriminación por maternidade”.