Mais de 550 escolares participaron hoxe na fase do Barbanza de orientación do programa Xogade da Secretaría Xeral para o deporte

Boiro bate récord congregando a mais de 550 escolares de entre 14 e 16 anos de 9 centros públicos do Barbanza e comarcas limítrofes no campionato de orientación, que forma parte do programa de fomento do deporte escolar Xogade, que organiza a Secretaría Xeral do Deporte a través da Agrupación Deportiva As Rías, unha iniciativa que combina o programa deportivo e competitivo (escolar e federado) cun programa lúdico e participativo para os escolares dos centros educativos de toda Galicia.

O obxectivo primordial desta nova concepción do deporte é a promoción da saúde, a condición física e o benestar, sen esquecer nin deixar de lado o rendemento deportivo, pero asegurando que todos os escolares poidan ter acceso á práctica de actividades físico-deportivas sen que exista ningún tipo de discriminación.