O vicepresidente da Xunta, Alfonso Rueda, e o presidente da Fundación Galega contra o Narcotráfico, Manuel Antonio Couceiro, asinaron hoxe un convenio de colaboración para impulsar a xestión eficaz dos bens comisados en delitos de narcotráfico na nosa Comunidade.
Rueda, que estivo acompañado polo delegado territorial da Xunta en Pontevedra, José Manuel Cores Tourís, expresou a súa satisfacción por asinar este convenio que responde a unha reclamación histórica da Fundación Galega contra o Narcotráfico e amplía o seu labor de máis de dúas décadas nun eido no que eles consideraban fundamental actuar.
O acordo asinado hoxe permitirá poñer a disposición dos xulgados un servizo especializado na xestión, depósito e realización anticipada dos bens mobles incautados ao narcotráfico, evitando así o seu deterioro dos devanditos bens .
O Servizo de Xestión de Bens Comisados será coordinado pola Fundación Galega contra ou Narcotráfico en colaboración co Colexio de Procuradores da Coruña. Entre as principais vantaxes desta iniciativa pioneira no estado español, destacan a axilización o funcionamento da Administración de Xustiza en Galicia; facilitar o labor das Forzas e Corpos de Seguridade do Estado; aforro dos custos derivados do depósito e a depreciación dos activos comisados; aumento de ingresos para a Administración e para a sociedade grazas á venda anticipada dos bens.
https://youtu.be/pbR4JVXezRk
