En sintonía coa licitación do mantemento dos campos municipal de herba artificial de Aguiño, Carreira e Oleiros –do que onte concluíu o prazo de presentación de ofertas-, o Concello de Riveira informa de que en próximas datas vaise emprender tamén unha nova actuación destinada á substitución do céspede artificial do campo da Fieiteira.
https://www.youtube.com/watch?v=j793byeqflI
Neste senso, a instalación municipal recibirá un novo céspede de última xeración, con homologación FIFA QUALITY PRO, que permitiría incluso a disputa de partidos de categoría nacional.
Ademais, será cambiado todo o sistema de rego con cañóns emerxentes situados fóra do rectángulo de xogo e subministraranse novas porterías de fútbol 11 e dous xogos de porterías abatibles de fútbol 7.
Dúas salas para clubs
Dentro das melloras inclúese o acondicionamento dun espazo baixo a grada de atletismo para habilitar dúas salas para clubs.
O proxecto técnico, do que se está a ultimar a súa redacción, contempla un rénting por 5 anos con mantemento incluído, por un prezo de licitación de 306.000 euros.
