O Concello de Ribeira informou hoxe do inicio dos labores para dotar a campo da Trinidade en Oleiros de céspede artificial.
Cómpre lembrar que finais do pasado ano arrancou unha actuación dirixida a remodelar este recinto deportivo, de recente titularidade municipal, e ampliar as dimensións do terreo de xogo ata acadar 97 de longo por 55 de ancho.
Unha vez realizados estes traballos e os da instalación de drenaxe, chégase a un momento significativo coa instalación do céspede artificial sobre unha superficie de aglomerado asfáltico, un labor que durará aproximadamente unha semana.
A continuación o campo será equipado con rego automático, ademais de banderíns e portería regulamentaria.
A empresa Excavaciones Abelleira é a encargada de executar esta actuación, cuxo importe está arredor dos 192 mil euros.
https://youtu.be/XkrapIL_r2I
