A Deputación da Coruña, con motivo do Día da Eficiencia Enerxética, insta aos concellos a seguir apostando por accións que contribúan a reducir o consumo eléctrico municipal.
Neste sentido, a Deputación lembra que pon á súa disposición os servizos da Fundación Axencia Enerxética Provincial da Coruña (FAEPAC), dos que xa se benefician nove concellos coruñeses , entre eles o de Rianxo .
No último ano, estes municipios lograron aforrar 840.000 euros na súa factura eléctrica, mediante o control e proposta de medidas que contribúen a mellorar a eficiencia enerxética das instalacións públicas.
A Deputación recomenda aos concellos adoptar este tipo de accións, posto que o custo medio da factura eléctrica dun municipio rural supón ao redor dun 10% do seu orzamento anual, superando incluso os gastos de persoal en moitos casos.
