A Consellería de Medio Ambiente e Ordenación do Territorio proponse que no ano 2020 a reciclaxe de vidro en Galicia acade un 75% chegando a preto das 50.000 toneladas deste residuo reciclado. Así o puxo de manifesto a conselleira de Medio Ambiente e Ordenación do Territorio, Beatriz Mato Otero, durante a presentación da campaña EtiDeQuenVesSendo, coa que se pretende incrementar en case un 30% a taxa de reciclaxe na Comunidade con respecto á cifra de 2015, con case 40 toneladas, de envases de vidro.
https://www.youtube.com/watch?v=lg8TVmYp5QU
Sinalou que a campaña EtiDeQuenVesSendo conta coa colaboración de Fernando Romay, como embaixador da mesma, e forma parte dun ambicioso plan para a recollida de vidro para levar a cabo ata o ano 2020.
Para acadar o obxectivo, aumentaranse os puntos de recollida con case 3.000 contedores novos para acadar un ratio de un contedor por cada 160 habitantes, fronte á media actual de un contedor por cada 185 habitantes.
