A espera media global para cirurxía redúcese 6 días con respecto a do ano pasado, 7 días menos no CHUS e 8 no Hospital da Barbanza.

Os doentes da Xerencia de Xestión Integrada de Santiago agardan unha media de 64 días para unha intervención cirúrxica, 66 días de demora media nos centros do Complexo Hospitalario Universitario de Santiago e 38 no Hospital da Barbanza.

Trátase da menor espera que se ten rexistrado dende a creación da área integrada no 2011 e tamén a menor dos tres grandes hospitais públicos galegos.
Amais, aqueles pacientes que presentan patoloxía máis grave (prioridade 1), esperan unha media de 12,5 días, (3 días menos que no mesmo período do ano pasado e a menor demora dos últimos 10 anos) sendo o obxectivo do SERGAS de 30 días. Asemade diminuíu a prioridade 2 en 12 días, pasado de 71,9 a 60 días.
O 99,5% dos pacientes que agardan por unha intervención nos centros do Complexo Hospitalario Universitario de Santiago esperan menos de 6 meses o no Hospital da Barbanza ningún doente espera máis de tres meses para ser operado. No 2016 o 5% dos pacientes cirúrxicos esperaban máis de 6 meses en ser intervidos e destes, 20 esperaban máis dun ano.