O presidente da Xunta, Alberto Núñez Feijóo, referiuse á exposición ‘O Camiño, a orixe’ como mostra da satisfacción que sente Galicia por ser a orixe do mundo xacobeo, “unha cultura de portas abertas que recibe e exporta influencias”.
Tras un percorrido pola exposición, no Museo Centro Gaiás da Cidade da Cultura, Feijóo salientou que Galicia e a súa cultura son un compendio.
Se ben as novas tecnoloxías impulsan aínda máis esa característica tan nosa, o presidente do Goberno galego aseverou que seguen sendo os peregrinos o gran vencello humano.
Nun tempo en que o mundo asiste desolado á destrución do patrimonio cultural en territorios sumidos en conflitos, o titular da Xunta lanzou unha mensaxe de respecto a ese pasado que se reflicte na arte.
Feijóo concluíu a súa intervención agradecendo o traballo de todos aqueles que fixeron posible ‘O Camiño, a orixe’; “unha exposición –incidiu- que trata da memoria e do presente”.
http://youtu.be/aCgWeAtYpP0
