O BNG presenta propostas para a remodelación do Malecón de Ribeira

O BNG de Ribeira presentou unha solicitude no concello con varias demandas recollidas nunha reunión que mantiveron con veciños e veciñas de Ribeira, coa finalidade de que se tomen en conta varias propostas na remodelación do Malecón. Entre as aportacións presentadas solicítase que a estrada non atravese o mirador que se prevé realizar preto da estación de autobuses, a redución da velocidade a 30 km /h na avenida do Malecón e tamén se demandan mais zonas verdes, apostando pola creación de un parque arbóreo con árbores autóctonas na praza das Heroínas de Sálvora, onde ademais indican que podería colocarse un monumento a estas mulleres.