Continua en Rianxo o programa de “Promoción do éxito escolar” impartido pola Cruz Vermella a través do seu programa de Voluntariado Social

Os servizos sociais do Concello de Rianxo continuarán desenvolvendo, ao igual que no curso 2016-2017, o Programa de “Promoción do éxito escolar”. Será a Cruz Vermella a entidade contratada para o seu desenvolvemento, a través do seu programa de Voluntariado Social.
O programa está dirixido á poboación infantil e xuvenil do Concello de Rianxo, con idades comprendidas entre os 6 e os 16 anos, que presentan necesidades de apoio no proceso de ensinanza-aprendizaxe, e que pertenzan a familias en situación de risco social.