O Rotogal Boiro Voleibol gañador da Copa Galicia

A final desta XXXV Edición da Copa Galicia de Voleibol estivo precedida dunha emotiva homenaxe a Agustín Mourís, un membro moi querido na familia do voleibol, recentemente falecido. De forma previa á gran final de Copa, ás 17.00 horas, tivo lugar a cerimonia de cambio de nome do pavillón Municipal na que estiveron presentes a familia do homenaxeado, xunto co alcalde de Noia, Santiago Freire, o concelleiro de Deportes, Xuventude e Tic’s, Ramón Santos e o presidente da Federación Galega de Voleibol, José A. Luna Bargo. Tras descubrir a nova placa ante un emocionado e numeroso público congregado para lembralo, o Municipal pasou a chamarse Agustín Mourís antes de disputar a gran final do torneo.