Tirar pola borda peixes que entran na rede converteuse, coa aprobación da nova Europa Azul, nunha infracción tipificada como grave. Un castigo que algúns consideran esaxerado para un sector que estaba, precisamente, obrigado ao contrario: a enviar de volta ao mar todo aquilo que non daba a talla, que excedía a cantidade que podía capturar, ou que non dispuña de cota para poder alixar a especie. Por iso, a instancias da Eurocámara, a UE se avino aplicar unha sorte de anestesia para afrontar ese xiro demasiado radical. Así, no pacto provisional que onte pecharon nun trílogo Parlamento Europeo, Consello e Comisión Europea recóllese unha moratoria de dous anos na aplicación das sancións a aqueles pescadores que cometan fallos na aplicación da obrigación de desembarcar todo o que pesquen.
Ese foi o principal aspecto que destacou onte o Parlamento Europeo, mentres que o Comisario de Pesca, Karmenu Vella, subliñou a «claridade xurídica» que o pacto traerá para os pescadores.
O presidente de cofradías de Galicia tampouco pasa esta nova normativa por alto.
http://youtu.be/7nkd3VA6Otw
