Esta mañá un equipo do Grupo Especial de Actividades Subacuáticas da Garda Civil (GEAS) baixou ao pecio para continuar coa procura dos tripulantes do Paquito Nº Dous e comprobar se os corpos están dentro do bateeiro. Trasladáronos unha embarcación de Salvamento Marítimo desde o porto de Corrubedo ata a zona do afundimento do barco. As primeiras parellas que baixaron tiveron problemas de visibilidade. A embarcación está a 40 metros.
Esta inmersión intenta esgotar as opcións de atopar os dous corpos que levan desaparecidos desde o martes 16 de decembro, cando a nave na que ían cara a Muros naufragaba nunha zonas non moi afastada do faro de Corrubedo, e atópase a uns 36 metros de profundidade. En terra, Garda Civil da comarca do Barbanza, Protección Civil de Ribeira e Boiro seguirán buscando na costa os corpos dos desaparecidos. A procura dos dous tripulante reiniciouse este luns despois de que o fin de semana non houbese éxito.
Tanto o sábado como odomingo , o rastreo centrouse na zona do afundimento, nas inmediacións do faro de Corrubedo e nas illas Ons.
http://youtu.be/6WRcPL3Lork
