A Mancomunidade leva tempo traballandopara dotar a FCC de novos camións de recollida de lixo, como resultado dese traballo ten en marcha o proceso para mercar 3 camións novos (2 bicompartimentados e 1 monocompartimentado) e acaba de recibir 3 bicompartimentados en aluguer que servirán para reforzar a actual flota mentras non chegan os novos.
Dende a pasada semana xa están en Lousame os 3 camións que a Mancomunidade de concellos de Serra do Barbanza alugou , e entrarán en funcionamento de xeito inminente a pesar das dificultades para alugar. Ademais hoxe mesmo estaba prevista a adxudicación dos 2 camións novos bicompartimentados que a Mancomunidade está en proceso de adquirir, o proceso de compra do monocompartimentado sufriu un pequeno retraso por quedar deserta unha primeira licitación, pero xa está en marcha unha nova licitación.
