O BNG da Pobra denuncia que a proposta do PP de ampliar o polígono da Tomada bota por terra a creación dun parque industrial comarcal, para o cal mesmo estaba xa o proxecto realizado.

Ramiro Ouviña denuncia que no 2016, os concelleiros do PP votaron en contra dunha moción presentada polo BNG para dotar o concello de solo empresarial, na que se solicitaba que se retomase a creación do parque industrial da Barbanza, con 900,000m2 de terreo e que se atopaba na fase final da súa tramitación.