O BNG leva ao pleno deste mes unha moción na que se solicitan unha serie de melloras no muíño da Ponte Barbanza e a súa contorna, imprescindibles para dar un uso social a este local municipal, como demandan os veciños e veciñas da zona. Afirmou que, dende que foi inaugurado este muíño como local social foron varias as iniciativas presentadas polo BNG para que se mellorase a súa accesibilidade e se dotase dos elementos necesarios para que esta infraestrutura municipal puidese ser utilizada como local social polos veciños e veciñas da zona.
https://www.youtube.com/watch?v=1SWKuKJFwXA
