O BNG da Pobra insiste en mellorar o rural e propón ordenación do tráfico na CRUZ DE PEDRA E AGROS DA VILA.

O BNG da Pobra presentou unha moción para o seu debate no vindeiro pleno deste mes de xuño ao respecto da seguridade viaria e ordenación do tráfico na zona da Cruz de Pedra, Agros da Vila e Tarrío.
Os nacionalistas presentaron xa varias mocións para solicitar melloras nos servizos que se dan os núcleos rurais da Pobra, solicitando entre outras cousas a dotación de beirarrúas, a limpeza das marxes das estradas e a dotación de sinalización horizontal ou vertical que regule o tráfico.