O Centro Cultural Lustres Rivas conta dende o venres cunha nova exposición: “A carreta do diaño”, obra do autor Fernando Llorente que foi galardoada co X Premio de Banda Deseñada Castelao convocado pola Deputación da Coruña.
Con motivo do seu acto inaugural compareceron na instalación municipal a concelleira de Educación e Cultura, Herminia Pouso, e Ánxela Franco no nome da institución provincial.
Esta é a primeira vez que se exhibe en Riveira o Premio de Banda Deseñada Castelao tras ter albergado en varias ocasións outros certames da Deputación como o Jesús Núñez de Arte Gráfico, o Luis Ksado de Fotografía, o Isaac Díaz Pardo de Artes Plásticas ou o Antonio Fraguas de Artesanía.
https://www.youtube.com/watch?v=AG21FFm1QWM
