Unha colisión entre tres coches en Boiro sáldase cunha persoa ferida

Unha persoa resultou ferida esta tarde en Boiro nunha colisión múltiple. No accidente houbo tres vehículos implicados.
O sinistro produciuse no paseo marítimo de Barraña. Unha persoa particular contactou co 112 Galicia minutos antes das 14:30 horas desta tarde para dar a voz de alarma.
Dende a central de emerxencias do 112 informouse a Urxencias Médicas e aos Bombeiros de Boiro. Tamén recibiron o aviso os efectivos de Protección Civil e da Policía Local.