Dous cans morren no incendio dunha vivenda en Noia

O incendio tivo lugar nun piso da Rúa Virxe do Loreto. Ao fío das 10:00 horas, efectivos de Protección Civil de Noia solicitaban ao 112 Galicia a intervención dos Bombeiros para a extinción dun lume nunha vivenda. De inmediato, o CAE 112 Galicia informou aos Bombeiros de Boiro GES de Brión e á Policía Local. Debido á rápida propagación das chamas, dende o 112 Galicia tamén se alertou –por precaución- a Urxencias Médicas.