A Carballeira de Caldas de Reis acolleu esta xornada do programa europeo Interreg, centrado na protección do río Umia mediante solucións baseadas na natureza. Medio centenar de persoas, entre elas 36 alumnos do colexio Alfonso VII, participaron na recollida de residuos no areal do río e na plantación de árbores autóctonas como ameneiros, salgueiros e carballos.
