A Asociación Ambar das Persoas con Diversidade Funcional pon en marcha a reserva anticipada dunha nova edición do seu xa tradicional Calendario Solidario. Baixo a mirada do fotógrafo Pichero, esta décimo segunda entrega xira arredor do cinema español, combinando creatividade e inclusión coa participación activa dos usuarios da entidade.
A recadación obtida coa venda dos calendarios destinarase íntegramente a impulsar o proxecto de Vivendas Inclusivas no edificio de Praia Xardín, un espazo cedido polo Concello de Boiro para seguir promovendo a autonomía e o dereito a unha vida independente.
Para animar á veñanza a colaborar e sumar reservas neste proxecto, as propias persoas usuarias da asociación protagonizan unha peza audiovisual promocional.
