A Academia Galega de Seguridade Pública acolleu esta mañá un acto institucional no que se homenaxeou á Policía Local. Celebrouse a gradación da 18ª Promoción da Policía Local, entregáronse sete medallas ao mérito, os diplomas ás novas promocións de inspectores e inspectoras principais e outorgáronse os distintivos de permanencia. O presidente da Xunta asistiu a esta cita onde destacou o papel crucial da Policía Local en todos os municipios de Galicia como a primeira liña de atención cidadá e como un elemento imprescindible para garantir a seguridade e a convivencia da sociedade.
