Onte foi o derradeiro luns do mes polo que a corporación de Ribeira reuniuse no salón de plenos para o desenvolvemento da sesión ordinaria de setembro. Había 17 puntos a debater na orde do día, dos cales só puideron tratarse dez. Houbo varios protagonizados polo proxecto da futura residencia de maiores que se debateron na última quenda. Un era relativo á incorporación da parcela cunha superficie de 20.080 metros cadrados ao inventario para albergar esta infraestrutura. Outro o cambio de titularidade municipal a autonómica. E os dous foron tratados de forma conxunta.
