O BNG da Barbanza critica que os orzamentos do Estado esquezan Galicia e a Comarca

Os responsable e vicerresponsable do BNG da Barbanza, Luis Perez barral e Adolfo Muiños, achegáronse esta mañá ata as inmediacións do Pazo Goiáns, en Boiro, acompañados de membros do BNG da Barbanza, para criticar a inexistencia de partidas orzamentarias para a Barbanza e Galicia nos orzamentos do Estado. Dende o BNG dan conta dos recortes do investimento do Estado na Galiza, en máis de 442 millóns de euros, que deixa ó país, por primeira vez nos últimos 14 anos, por debaixo dos 1.000 millóns de euros.