O concello de Boiro desfruta grazas á Asociación Boirense de Empresas do seu propio xogo de mesa. Este sábado presentouse en sociedade o “Boiro Xoga, a gran partida do comercio local” e tivo unha gran acollida. Máis de 300 persoas encheron a praza de Galicia para coñecer máis en detalle esta proposta en forma de xogo de mesa do que forman parte as rúas e os comercios do municipio.
