A comarca do Barbanza é unha potencia a nivel conserveiro, dende Ribeira ata Rianxo e Muros a costa está chea de fábricas especializadas nestes produtos que fan da zona unha referencia. Unha delas é Conservas Sotavento, localizada en Outes, especialízase en elaboracións artesanas de produtos como o mexillón, a sardiña ou a navalla. Esta mañá a conselleira do Mar, Marta Villaverde, visitou as súas instalacións para entregar á compañía o distintivo oficial “Artesanía Alimentaria” para as súas conservas de peixes e mariscos.
