A feira da educación de Ribeira abriu as súas portas como un foro único en galicia para compartir experiencias no eido do ensino

A cuarta Feira da Educación de Riveira acaba de abrir as súas portas esta mañá cunha trintena de stands que se reparten entre os dous andares do Auditorio e medio cento de actividades que dende hoxe ao domingo amosarán o pulo e bo facer do tecido educativo do noso municipio.
Ao acto inaugural acudiu hoxe o secretario xeral de Política Lingüística da Xunta, Valentín García, quen destacou esta iniciativa sen parangón en Galicia e subliñou a súa idoneidade como foro para compartir experiencias entre os membros da comunidade educativa.