Esta mañá, arredor das 12.00 do mediodía, compareceu ante a xuíza da Sección de Instrución do Tribunal de Instancia de Ribeira Adrián Parada, o mozo detido como presunto autor da morte do seu pai, Alberto Parada, en Aguiño. Despois de varias horas de declaración, a maxistrada decretou o ingreso en prisión provisional, comunicada e sen fianza ao acusado, investigado por un presunto delito de homicidio e outro de tenencia ilícita de armas.
