Medra un 35% o volume de turistas que visitaron Arousa Norte durante a Semana Santa con respecto ó 2016

O presidente da Mancomunidade Arousa Norte e alcalde de Rianxo, Adolfo Muíños, presentou hoxe os datos de consultas recollidas nas catro Oficinas de Turismo dos concellos que integran Arousa Norte e que amosan un volume de 1.271 consultas atendidas desde o venres, 7 de abril ata o domingo, 16 do mesmo mes, un dato que reflexa o incremento con respecto ao ano 2016 de arredor do 35%. As condicións meteorolóxicas e a publicidade que se fai, tanto dende a Mancomunidade como co boca a boca por persoas que xa nos visitaron, foron dúas condicións importantes para a lograr estas boas cifras.